Биринши беллесиўде жеңил салмақтағы спортшымыз Шодиёржон Мелиқўзиев (-48 кг) әзербайжанлы Субхан Мамедовқа 1:4 есабында жеңилиске ушырады.
Соң Асылбек Жалилов (-54 кг) төрешилердиң айрықша қарары менен (4:1) сербиялы Артур Нагапетянды жеңилиске ушыратты.
Париж-2024 Олимпиадасының чемпионы Абдумалик Халоков (-60 кг) әзербайжанлы Маҳаммадали Аширалиевтың бир даўыслы қарары менен исенимли жеңип шықты.
Париж Олимпиадасының және бир чемпионы Асадхожа Муйдинхожаев (-67 кг) да төрешилердиң бир даўыслы қарары менен (5:0) қазақстанлы Санатали Тольтаевты жеңип шықты.
75 килограммға шекемги салмақта Фазлиддин Эркинбаев ҳәм бурынғы жерлесимиз, Бухара ўәлаятында туўылған Саиджамшид Жафаровтың жолы кесилди. 2025-жылдан баслап Жафаров Әзербайжан сайланды командасында ойнап келмекте. Эркинбаев 5:0 есабында жеңиске еристи. Усы ўақытта рингтеги рефери Эркинбаевтың нокдаунына есап ашты. Жафаров Өзбекстан сайланды командасы қурамында еки мәрте Азия чемпионы, Ташкентте болып өткен жәҳән чемпионаты-2023 финалшысы болған. Демек, Әзербайжанға көшип келгеннен кейин босастырған.
86 килограммға шекемги ярым аўыр салмақта Өзбекстан екинши рет жоғалтыўға ушырады. Акмалжон Исроилов жәҳән (Ташкент-2023) ҳәм Европа (Белград-2024) чемпионы россиялы Шарабутдин Атаевқа (0:5) жол берди.
Бирақ супер аўыр салмақтағы Арман Маханов қапталдағы төрешилердиң бир даўыслы қарары менен кубалы Алехандро Лопести жеңип шықты.
Бул ҳаққында Өзбекстан бокс федерациясының телеграм каналы хабар бермекте.
Беллесиўлер даўам етпекте.
