"Дунё" ХАның хабар бериўинше, рәсмий мәресимнен соң болып өткен сөйлесиў ўақтында Өзбекстан ҳәм Литва арасындағы еки тәреплеме бирге ислесиўдиң бүгинги жағдайы ҳәм перспективалары додаланды.
Литва Президенти рәсмий Вильнюс ҳәм Ташкент арасындағы сиясий сөйлесиў ҳәм еки тәреплеме саўда-экономикалық бирге ислесиўдиң раўажланып атырғанын жоқары баҳалады. 2024-жылдың жуўмағы бойынша Өзбекстан Литваның ири саўда-экономикалық шериклеринен бирине айланғаны айрықша атап өтилди.
Президент Гитанас Науседа, сондай-ақ, Литва тәрепи Өзбекстанның ЕА шеңбериндеги басламаларын ҳәм Жәҳән саўда шөлкемине кириў мәселесин қоллап-қуўатлайтуғынын билдирди.
Еслетип өтемиз, Өзбекстан ҳәм Литва арасындағы дипломатиялық қатнасықлар 1992-жыл 5-августта орнатылған.
