Мәмлекетимиз басшысы сайлаўшылардың белсене қатнасыўы ҳәм даўыс бериў нәтийжелери Беларус халқы әмелдеги Президентке жоқары исеним билдирип атырғанын, әмелге асырылып атырған сиясат ҳәм социаллық-экономикалық реформаларды кеңнен қоллап-қуўатлап атырғанын және бир мәрте тастыйықлағанын айрықша атап өтти.
Сөйлесиў ўақтында өткен жылы 7-9-февраль күнлери Беларус Президенти Александр Лукашенконың Өзбекстанға сапары ўақтында ерисилген келисимлерди әмелге асырыў көзқарасынан Өзбекстан-Беларус көп қырлы шериклик қатнасықларын буннан былай да раўажландырыўдың әҳмийетли мәселелери көрип шығылды.
2024-жылы товар алмасыў көлеми 700 миллион доллардан асты. Экономиканың түрли тармақларында санаат кооперациясы жойбарларын жеделлестириў, тығыз исбилерменлик ҳәм аймақлараралық байланысларды, жедел мәдений-гуманитарлық алмасыўларды даўам еттириў әҳмийетли екенлиги атап өтилди.
Өзбекстан ҳәм Беларус жетекшилери болажақ илажлар режесин де көрип шықты.
