Компания аўыл хожалығы ҳәм азық-аўқат санааты өнимлерин ислеп шығарыў, қайта ислеў ҳәм экспорт етиў бойынша Пакистанда жетекши болып есапланады.
Компанияның мәмлекетимиз аймақларында шарўашылық өнимлерин толық қайта ислейтуғын агрокластерлерди шөлкемлестириў режелери қоллап-қуўатланды.
***
Өзбекстан Республикасы Президенти Шавкат Мирзиёев Исламабад қаласына мәмлекетлик сапарының исбилерменлик бағдарламасы шеңберинде Gohar Textile компаниясының тийкарын салыўшысы Гоухар Мустафа менен ушырасыў өткерди.
Компания пахта талшығын қайта ислеўге қәнигелескен болып, үй тоқымашылығын ислеп шығарыўда үлкен тәжирийбеге ийе.
Ушырасыўда мәмлекетимизде тоқымашылық өнимлерин биргеликте ислеп шығарыўды шөлкемлестириў ҳәм Өзбекстан кәрханаларын халықаралық жеткерип бериў шынжырларына интеграциялаў перспективалары көрип шығылды.
***
Өзбекстан Республикасы Президенти Шавкат Мирзиёев мәмлекетлик сапарының гезектеги әмелий бағдарламасы Engro Group компаниясының баслығы Ахсан Зафар Сайед пенен ушырасыўы болды.
Компания Пакистан энергетикалық қәўипсизлигин тәмийинлеўге үлкен үлес қосқан. Энергетика, нефть-химия ҳәм агросектор тараўларында үлкен тәжирийбеге ийе.
Сөйлесиўде Президентимиз компанияның химия санаатындағы жойбарларды әмелге асырыўдағы қатнасын қоллап-қуўатлады. Шарўашылықты раўажландырыў ҳәм оның өнимлерин жеткерип бериўде шериклик ушын үлкен потенциал бар екени айрықша атап өтилди.
