Өзбекстан Республикасы Президенти Шавкат Мирзиёев өзине ажыратылған резиденцияда "Gulf Care General Trading" компаниясының басшысы доктор Ияд ас-Солихты қабыллады.
2001-жылы шөлкемлестирилген компания Қолтық регионында медициналық үскенелердиң ең ири жеткерип бериўшилеринен бири болып, Кувейттеги жеке меншик медицина мәкемелериниң кең тармағына ийе.
Мәмлекетимиз жетекшиси кеселликлерди ерте анықлаў тараўындағы шериклик раўажланып атырғанын қанаатланыўшылық пенен атап өтти. Компанияның мәмлекетимиз аймақларында медициналық хызмет көрсетиў ҳәм фармацевтика өнимлерин ислеп шығарыў жойбарларын әмелге асырыў бағдарындағы режелери қоллап-қуўатланды.
Өзбекстан Республикасы Президенти Шавкат Мирзиёев 14-март күни Россия Федерациясы Федерал Мәжилиси Мәмлекетлик Думасының Баслығы Вячеслав Володинди қабыллады. Өзбекстан менен Россия арасындағы кең көлемли стратегиялық шериклик ҳәм аўқамласлық қатнасықларының әҳмийетли мәселелери көрип шығылды.
Франция Республикасы Президенти Эммануэль Макрон Елисей сарайында Өзбекстан Республикасы Президенти Шавкат Мирзиёевтиң ҳүрметине мәмлекетлик қабыллаў мәресимин шөлкемлестирди.
Сапар етиў шеңберинде Париж қаласында Өзбекстан Республикасы Президенти Шавкат Мирзиёевти Франция Республикасының жоқары сыйлығы - Ҳүрметли легион ордени менен сыйлықлаў мәресими болып өтти.
Париж қаласына сапары даўамында Өзбекстан Республикасы Президенти Шавкат Мирзиёев Франция исбилермен топарларының жетекши ўәкиллери менен ушырасыў өткерди.
Елисей сарайындағы жоқары дәрежедеги ушырасыў ўақтында Президент Шавкат Мирзиёев Президент Эммануэль Макронға уллы француз жазыўшысы Виктор Гюгоның өзбек тилине аўдарылған "Күлип атырған адам" романының биринши нусқасын саўға етти.
Париж қаласында болып өткен сөйлесиўлердиң жуўмағында Өзбекстан Республикасы Президенти Шавкат Мирзиёев ҳәм Франция Республикасы Президенти Эммануэль Макрон Стратегиялық шериклик орнатыў ҳаққындағы биргеликтеги декларацияны қабыл етти.
