Жоқары дәрежедеги Өзбекстан-Европа сөйлесиўлериниң жуўмағында биргеликте терек егиў мәресими болып өтти.
Өзбекстан Республикасы Президенти Шавкат Мирзиёев, Европа кеңесиниң Президенти Антониу Кошта ҳәм Европа комиссиясының Президенти Урсула фон дер Ляен Самарқанд қаласындағы Конгресс орайының қыябанына еки түп емен екти.
Нәл егиў мәресими Өзбекстан ҳәм Европа Аўқамы арасында дослық, көп қырлы бирге ислесиў ҳәм шериклик қатнасықлары барған сайын беккемленип атырғанының және бир белгиси болды.
Қарақалпақстан насос станциялары ҳәм энергетика басқармасының жуўапкерлери Мойнақ районындағы “Жалғызтерек-1” насос станциясында гүзги-қысқы мәўсимде әмелге асырылып атырған жумысларды үйренди ҳәм аймақта “Жасыл мәкан” жойбары шеңберинде нәл егиў жумысларын шөлкемлестирди.
Елимиз бойлап даўам етип атырған «Жасыл мәкан» улыўма миллий жойбарына Қараөзек районы турғынлары да белсене қатнасып, қоршаған орталық ҳәм атмосфераның тазалығын сақлаў, аймақларға саяманлы ҳәм мийўели терек нәллерин егиў жумысларына өзлериниң салмақлы үлеслерин қоспақта.
