Бул көп тәреплеме қаржы институты менен әмелий бирге ислесиўди раўажландырыў мәселелери додаланды.
Өткен жылы октябрь айындағы БРИКС саммити шеңберинде ерисилген келисимлер избе-из әмелге асырылып атырғаны қанаатланыўшылық пенен атап өтилди.
Атап айтқанда, банктиң Басқарыўшылар кеңеси тәрепинен Өзбекстан Жаңа раўажланыў банкине ағза болыўына принципиаллық келисим берилди. Улыўма баҳасы 5 миллиард долларлық биринши гезектеги биргеликтеги жойбарлар бағдарламасы қәлиплестирилди.
Мәмлекетимиз басшысы ирригация системаларын модернизациялаў, таў-кән санаатын раўажландырыў, жеке меншик секторды қаржыландырыў, билимлендириў ҳәм инфраструктура тараўларында мәмлекетлик-жеке меншик шерикликти алға қойыў сыяқлы тийкарғы бағдарларда жойбарларды тез пурсатта таярлаў ҳәм әмелге асырыў әҳмийетли екенлигин атап өтти.
Сондай-ақ, ири регионаллық инфраструктура жойбарлары қоллап-қуўатланды.
