Жоқары дәрежедеги илажлар бағдарламасы шеңберинде Алматы қаласында Президент Шавкат Мирзиёев ҳәм Президент Қасым-Жомарт Тоқаев рәсмий емес ушырасыў өткерип, еки тәреплеме, халықаралық ҳәм регионаллық әҳмийетке ийе актуал мәселелерди додалады.

Жетекшилер "Медеу" таў-лыжасы кластериниң жумысы менен танысты, санлы ҳәм жасалма интеллект технологиялары, еки мәмлекеттиң белгили художниклериниң реңли ҳәм графикалық шығармаларының көргизбелерин көзден өткерди.

Алматы халықаралық аэропортында Өзбекстан Республикасы Президенти Шавкат Мирзиёевти Қазақстан Республикасы Президенти Қасым-Жомарт Тоқаев шығарып салды.

Мәмлекетимиз басшысы Ташкентке жөнеп кетти.