Кеше Нью-Йорк қаласында Өзбекстан ҳәм Суринам арасында дипломатиялық қатнасықлар орнатыў ҳаққында Биргеликтеги коммюникеге қол қойылды.
Еки мәмлекет ҳүкиметлери атынан ҳүжжетке Өзбекстанның БМШтағы турақлы ўәкили Улуғбек Лапасов ҳәм Суринамның БМШтағы турақлы ўәкили Сунил Алграм Ситалдин қол қойды.
Тәреплер халықаралық шөлкемлер, соның ишинде, БМШ ҳәм оның қәнигелескен мәкемелери шеңберинде биргеликтеги бирге ислесиўди күшейтиўге таяр екенин билдирди.
Сиясий, саўда-экономикалық ҳәм мәдений-гуманитарлық тараўларда бирге ислесиўдиң өз-ара пайдалы бағдарларын табыў ушын еки тәреплеме байланысларды жеделлестириў бойынша келисимге ерисилди.
Солай етип, Суринам Өзбекстан менен дипломатиялық қатнасықлар орнатқан 158-мәмлекет болды.
Бул ҳүжжеттиң қол қойылыўы Өзбекстан менен Латын Америкасы мәмлекетлери арасындағы бирге ислесиўди жеделлестириўде әҳмийетли қәдем болды.
Еслетип өтемиз, усы 5-февраль күни Өзбекстан Африканың Сомали мәмлекети менен дипломатиялық қатнасықлар орнатқан еди.
