Зона аймағында дирекцияның ҳәкимшилик имаратлары, бажыхана, карантин, фитосанитариялық ҳәм ветеринария хызметлери, саўда павильоны ҳәм қоймахана имаратлары жайласқан.
"Бир айна" принципи тийкарында көрсетилетуғын мәмлекетлик хызметлер ҳәм интерактив системалар, банк, медицина ҳәм мийманхана хызметлери, үлкен автомобиллер туратуғын орын нәзерде тутылған.
Зонаның жумысы 3,5 миллионнан аслам халық жасайтуғын еки әҳмийетли аймақ - Өзбекстанның Хорезм ўәлаяты ҳәм Түркменстанның Ташаўыз ўәлаяты арасында саўда-экономикалық байланысларды раўажландырыўға хызмет етеди.
