"NGS.ru" электрон порталының "Россельхознадзор" Сибир аймақлараралық басқармасының мағлыўматына сүйенип мәлим етиўинше, Өзбекстаннан алып келинген мийўе ҳәм резаворлар Новосибирск дүканларына шығарылмастан алдын фитосанитариялық қадағалаўдан табыслы өткен.
"Барлық мийўе ҳәм резаворлар партиялары мәжбүрий ҳүжжетлерге ийе, олардың қәўипсизлиги фитосанитариялық экспертиза жуўмақлары менен тастыйықланған," - делинеди деректе.
Ҳәзирги күнде Новосибирск ҳәм Сибирдиң басқа қалаларына Өзбекстанда жетилистирилген 167 тонна ерик ҳәм 5,5 тонна черешня жеткерип берилди.
