Өзбекстанның Албаниядағы биринши Айрықша ҳәм толық ҳуқықлы елшиси Бахтиёр Ибрагимов Албания президенти Байрам Бегайға исеним жарлықларын тапсырды.
"Дунё" ХАның хабар бериўинше, рәсмий мәресимнен соң президент резиденциясында болып өткен сөйлесиўде Өзбекстан ҳәм Албания арасындағы еки тәреплеме қатнасықларды раўажландырыў перспективалары додаланды.
Албания басшысы Байрам Бегай Өзбекстанда Президент Шавкат Мирзиёевтиң басшылығында кейинги жылларда әмелге асырылып атырған кең көлемли реформалар ҳәм олардың нәтийжелерин жоқары баҳалады.
Ҳәр еки тәреп қатнасықларды сапа жағынан жаңа басқышқа алып шығыўға таяр екенин тастыйықлады.
Түркия Мәденият ҳәм туризм министрлиги Опера имаратында Мәденият ҳәм туризм министри Меҳмет Нури Эрсой ҳәм Өзбекстан Республикасы Экология, қоршаған орталықты қорғаў ҳәм ықлым өзгериўи министри Азиз Абдуҳакимовтың ушырасыўы болып өтти.
“Ўзэлтехсаноат” ассоциациясында мәмлекетимизде биринши мәрте "сшитый" полиэтилен шийки затын ислеп шығарыў жойбарына байланыслы жуўмақлаўшы келисим ҳүжжетлерине қол қойылды.
Экология, қоршаған орталықты қорғаў ҳәм ықлым өзгериўи министри Азиз Абдуҳакимов Халықаралық миграция шөлкеминиң (ХМШ) Өзбекстандағы миссиясы басшысы Эндрю Грей менен ушырасыў өткерди. Сөйлесиўлерде ықлым өзгериўи шараятында тийкарғы экологиялық басламалар ҳәм миграция машқалалары додаланды.
