Жоқары сыйлықты мәмлекетимиз басшысына Франция Президенти Эммануэль Макрон салтанатлы түрде тапсырды.
Өзбекстан Президенти еки мәмлекет бирге ислесиўин раўажландырыў, халықларымыз арасындағы дослық ҳәм өз-ара түсинисиўди беккемлеўге қосқан үлкен үлеси ушын усы орден менен сыйлықланды.
Мәмлекетимиз жетекшиси сыйлық ушын Франция басшысына шын жүректен миннетдаршылық билдирип, кейинги жылларда нәтийжели бирге ислесиўде жоқары нәтийжелерге ерисилгени, еки мәмлекет қатнасықлары стратегиялық шериклик дәрежесине көтерилгенин қанаатланыўшылық пенен атап өтти.
Ҳүрметли легион ордени 1802-жылы шөлкемлестирилген. Францияда бул орден айрықша хызметлердиң мәмлекет дәрежесинде тән алыныўы ҳәм ҳүрметтиң жоқары белгиси есапланады.
