Балаларға зорлықтың барлық түрлериниң алдын алыў, әдил судлаў системасында олардың ҳуқықларын тәмийинлеў, зыянлы мәлимлеме ҳәм қәўип-қәтерлерден қорғаў, оларды ҳуқықый ҳәм социаллық қоллап-қуўатлаўдың нәтийжели ҳәм дослық механизмлерин жаратыў илажлары дыққат орайында болды.
Қатнасыўшылар Орайлық Азия мәмлекетлери, сондай-ақ, Хорватия, Финляндия, Норвегия ҳәм Европа балалар омбудсманлары тармағының тәжирийбеси менен танысты. Тәжирийбе алмасыў ҳәм халықаралық бирге ислесиўди кеңейтиўге айрықша итибар қаратылды.
Форум жуўмағында бала ҳуқықларын қорғаўдың улыўма мәселелери бойынша ҳәрекетлерди муўапықластырыў ҳәм шешимлер табыў ушын майданға айланатуғын Орайлық Азия балалар омбудсманларының бирден-бир регионаллық платформасын жаратыў ҳаққында қарар қабыл етилди.
Орайлық Азия улыўмалық тарийхый-мәдений мийрасқа ҳәм халықлар арасындағы тығыз байланысларға ийе, ҳәр бир мәмлекет өзлигин ҳәм ғәрезсизлигин сақлап қалып атырған регион екени атап өтилди. Бундай шараятта жаңа структура балаларды қорғаўға байланыслы регионаллық машқалаларды шешиў ушын мәмлекетлердиң ҳәрекетлерин бирлестириў имканиятын береди.
Илаждың жуўмақлаўшы басқышы болып, аймақтағы балалар омбудсманлары институтларының потенциалын беккемлеўге қаратылған жуўмақлаўшы ҳүжжет - Декларацияға қол қойылды.
