Өзбекстан Республикасы Президенти Шавкат Мирзиёевтиң мирәт етиўине бола Пакистан Ислам Республикасының Бас министри Шаҳбоз Шариф 25-февраль күни рәсмий сапар менен Өзбекстанға келди.
Ташкент қаласы халықаралық аэропортында жоқары мәртебели мийманды Өзбекстан Республикасы Бас министри Абдулла Арипов ҳәм басқа да рәсмийлер күтип алды.
Жоқары мәртебели мийман ҳүрметине еки мәмлекеттиң мәмлекетлик байрақлары көтерилип, ҳүрметли қараўыл сап тартты.
Соң Пакистан делегациясы "Жаңа Өзбекстан" паркине жол алды.
Ғалаба хабар қуралларының ўәкиллери менен ушырасыўда Өзбекстан Республикасы Президенти Шавкат Мирзиёев ҳәм Пакистан Ислам Республикасының Бас министри Шаҳбоз Шариф болып өткен сөйлесиўлердиң жуўмақларына түсиник берди.
Өзбекстан Республикасы Президенти Шавкат Мирзиёев ҳәм Пакистан Ислам Республикасының Бас министри Шаҳбоз Шариф тар шеңберде ҳәм рәсмий делегациялардың қатнасыўында сөйлесиўлер өткерди.
26-февраль күни Ташкент қаласындағы Халықаралық конгресс орайында мәмлекетимизге рәсмий сапар менен келген Пакистан Ислам Республикасы Бас министри Шаҳбоз Шарифти рәсмий күтип алыўға бағышланған салтанатлы мәресим болып өтти.
