ФИФА Президенти Жанни Инфантино Ташкентке сапары шеңберинде елимизде спорт тараўында әмелге асырылып атырған соңғы ири жойбарлар менен танысты. Бүгин жоқары мәртебели мийман Олимпиада қалашасына барып, заманагөй спорт объектлерин көзден өткерди.
Инфантиноны спорт министри Адҳам Икрамов ҳәм МОК баслығының биринши орынбасары Отабек Умаровлар бирге алып жүрди.
ФИФА Президенти мәмлекетимиз басшысының басламасы менен қурылған комплексти жоқары баҳалады. Атап айтқанда, бүгин CAFA Nations Cup турнириниң финал ойыны өткерилетуғын "Олимпия" стадионы оны таң қалдырды.
Күн даўамында Инфантино Миллий футбол орайына келиўи режелестирилген.
12-декабрь күни Ташкентте Халықаралық автомобиль федерациясы (FIA) Бас Ассамблеясы ҳәм FIA Awards сыйлықлаў мәресими болып өтеди. Әҳмийетлиси, бул тарийхый илаж Орайлық Азияда биринши мәрте өткерилмекте.
Пусан қаласында (Корея Республикасы) Жәҳән антидопинг агентлигиниң (WADA) гезектеги Жәҳән конференциясы болып өтпекте. Абырайлы форумда Өзбекстан спорт министри Адҳам Икрамов ҳәм Миллий антидопинг агентлиги директоры Абдушукур Содиқов қатнаспақта.
Пайтахтымыздың Олимпия қалашасында грек-рим гүреси бойынша Өзбекстан чемпионаты басланды. Жарыстың салтанатлы ашылыў мәресими Спорт министрлиги, Миллий олимпиада комитети ҳәм Өзбекстан спорт гүреслери ассоциациясының жуўапкер хызметкерлери қатнасыўында болып өтти ҳәм жарыс қатнасыўшыларына табыслар тиледи.
22-21-октябрь күнлери Бахрейнде жас өспиримлер арасында III Азия ойынлары болып өтти. Онда Өзбекстан сайланды командасы 37 алтын, 16 гүмис ҳәм 28 бронза медалын қолға киргизип, улыўма командалық есапта екинши орынды ийеледи.
Бүгин Қатарда футбол бойынша 17 жасқа шекемги футболшылар арасында жәҳән чемпионаты басланады. 27-ноябрьге шекем даўам ететуғын жарыста Өзбекстан сайланды командасы Азия чемпионы статусында қатнаспақта. Еслетип өтемиз, сайланды командамыз "J" топарынан орын алып, Парагвай (5-ноябрь), Ирландия (8-ноябрь) ҳәм Панама (11-ноябрь) командалары менен плей-офф жолламасы ушын гүрес алып барады.
Баҳрейнда жас өспиримлер арасында өткерилген III Азия ойынларының салтанатлы жабылыў мәресими болып өтти. 2029-жылы жас өспиримлер арасында өткерилетуғын IV Азия ойынлары Өзбекстан пайтахты Ташкент қаласында өткерилетуғыны рәсмий түрде жәрияланды.
Баҳрейнде өткерилип атырған жаслар арасындағы III Азия ойынларының гезектеги күни Өзбекстан сайланды командасы ушын және табыслы өтти. Спортшыларымыз 3 алтын ҳәм 1 бронза медальды қолға киргизди.
