Ушырасыўда Өзбекстан менен Япония арасындағы стратегиялық шериклик ҳәм көп қырлы бирге ислесиўди раўажландырыўда парламентлер әҳмийетли орын ийелеп атырғаны атап өтилди. Усы жылдың апрель айында Ташкент қаласында болып өткен Парламентлераралық аўқамның юбилей 150-сессиясында Кеңесгөйлер палатасының ўәкиллери белсене қатнасты.

Жаслардың парламентлик басламаларын қоллап-қуўатлаў, соның ишинде, Өзбекстан ҳәм Япония жас парламентарийлериниң форумын өткериў, 2026-жылы Самарқандта болып өтетуғын Жас парламентарийлердиң глобал конференциясында Япония делегациясының қатнасыўына айрықша итибар қаратылды.

Парламентлер жоқары дәрежеде, бәринен бурын, саўда-экономикалық, финанслық, инвестициялық-технологиялық ҳәм мәдений-гуманитарлық бирге ислесиўди кеңейтиў бойынша ерисилген келисимлерди әмелге асырыўға ҳәр тәреплеме жәрдемлесиўи әҳмийетли екени атап өтилди.