Бул саўлатлы комплексте халқымыздың көп әсирлик тарийхы, уллы ойшыл ҳәм
сәркардалардың образлары, елимиз тарийхындағы әҳмийетли ўақыялар өз көринисин
тапқан. Естеликтиң төбесине орнатылған Ҳумо қусы халқымыздың азатлық ҳәм
жақсылық идеялары, ийгиликли арзыў-нийетлериниң тымсалы болып есапланады.
Ўатанымыз ғәрезсизлигиниң 35 жыллығы мүнәсибети менен шөлкемлестирилген
мәресимде Олий Мажлис Нызамшылық палатасы ҳәм Сенаты, Президент
Администрациясы, Министрлер Кабинети, Ташкент қаласы жәмийетшилигиниң ўәкиллери
қатнасты.
