Өзбекстан Республикасы Президенти Шавкат Мирзиёев "Орайлық Азия - Европа Аўқамы" биринши саммити илажларында қатнасыў ушын Самарқанд қаласына келди.
Бүгин мәмлекетимиз басшысы Европа кеңесиниң Президенти Антониу Кошта менен рәсмий емес ушырасыў өткереди.
Ертең саммитте қатнасатуғын делегациялардың басшылары менен бир қатар еки тәреплеме сөйлесиўлер өткерилиўи режелестирилген.
4-апрель күни Орайлық Азия мәмлекетлери ҳәм Европа Аўқамының тийкарғы институтларының басшыларының қатнасыўында көп тәреплеме илажлар болып өтеди.
Өзбекстан Республикасы Президенти Шавкат Мирзиёев Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедов пенен бирге Самарқандтағы халықаралық туризм орайында шөлкемлестирилген "Заманлар ҳаўазы" көргизбесине барды.
Өзбекстан Республикасы Президенти Шавкат Мирзиёев ҳәм Түркмен халқының миллий жетекшиси, Түркменстан Халық Мәсләҳәтиниң Баслығы Гурбангули Бердимуҳамедов Самарқанд қаласындағы Конгресс орайының Ҳүрметли мийманлар қыябанында биргеликте емен терегин екти.
24-апрель күни "Silk Road Samarkand" комплексиниң Конгресс орайында Өзбекстан Республикасы Президенти Шавкат Мирзиёев ҳәм Түркмен халқының миллий жетекшиси, Түркменстан Халық Мәсләҳәтиниң Баслығы Гурбангули Бердимуҳамедов тар шеңберде ҳәм рәсмий делегациялардың қатнасыўында сөйлесиў өткерди.
Өзбекстан Республикасы Президенти Шавкат Мирзиёев ҳәм Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедов биргеликте "Silk Road Samarkand" халықаралық туризм орайындағы "Мәңги қала" тарийхый-этнографиялық паркиниң аймағында шөлкемлестирилген мәдений илажларда қатнасты.
Самарқанд қаласындағы илажлар шеңберинде Өзбекстан Республикасы Президенти Шавкат Мирзиёев ҳәм Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедов биргеликте Ҳәзирети Хизр комплексине барып, Биринши Президентимиздиң естелигине ҳүрмет көрсетти.
Өзбекстан Республикасы Президенти Шавкат Мирзиёев 23-апрель күни Самарқанд қаласында әмелий сапар менен мәмлекетимизде болып турған Россия Федерациясы сыртқы ислер министри Сергей Лавров басшылығындағы делегацияны қабыллады.
Өзбекстан Республикасы Президенти Шавкат Мирзиёев Кашмир аймағында жүз берген терроршылық ҳәрекети ақыбетинде көплеген инсанлар қайтыс болғаны ҳәм аўыр жарақат алғаны мүнәсибети менен Ҳиндстан Республикасы Президенти Драупади Мурму ҳәм Бас министри Нарендра Модиға кеўил билдирди.
