Бул жарысқа дүньяның 37 мәмлекетинен 300 ге шамалас спортшылар қатнасады. Әҳмийетли тәрепи сонда, Гран-приге Өзбекстан сайланды командасы ағзалары да қатнасады. Өзбекстан қылышласыў федерациясының мәлим етиўинше, сайланды командамыз бул турнирге үлкен қурамда барады. Атап айтқанда, жасларымыз бүгин Колумбияда старт алатуғын U-20 категориясындағы жәҳән кубогинен соң Туниске жетип барса, ересеклер командасы Ташкенттеги жуўмақлаўшы таярлықтан кейин Африкаға ушып кетеди.

Федерацияның берген мағлыўматларға қарағанда, сайланды команда қурамында ерлер арасында Исламбек Абдазов, Зуҳриддин Қодиров, Муса Аймуратов, Алпамыс Орақбаев ҳәм Сардор Абдукаримбековлар, қызлар арасында Зайнаб Дайыбекова, Гүлистан Пердебаева, Фернанда Эррера, Наргиза Жақсыбаева, Аякөз Жумамуратова ҳәм Самира Шокировалар қатнасады.

Адилбай Оразов,

Қарақалпақстан хабар агентлиги шолыўшысы.