Атап өтилгениндей, 2024-жыл даўамында Қарақалпақстан Республикасы жынаят ислери бойынша судлары тәрепинен 2323 жынаят иси көрип шығылып, өткен жылдың сәйкес дәўирине салыстырғанда ислер саны 366 ға ямаса 18,7 процентке көбейген.
Көрип тамамланған жынаят ислери 70,9 процентти қураған. 2144 шахсқа жаза тайынлаў менен айыплаў ҳүкими, 22 шахсқа ақлаў ҳүкими, 138 шахсқа жаза тайынламай айыплаў ҳүкими шығарылған. 77 шахсқа тайынланған жаза шәртли есапланып, оларға сынақ мүддети белгиленген.
Сондай-ақ, баспасөз әнжуманында Қарақалпақстан Республикасы судлары тарийхы китабы басып шығарылғанлығы атап өтилди.
Қарақалпақстан судларының тарийхы ҳәм бүгинги күнинен дәрек бериўши, Қарақалпақстанда суд уйымларының қәлиплесиўи ҳәм раўажланыўының тийкарғы басқышлары, бийғәрез суд ҳәкимиятының шөлкемлестирилиўи, сондай-ақ, суд тараўында хызмет еткен ҳәм ҳәзирги ўақытта өз жумысын алып барып атырған судья ҳәм хызметкерлер ҳаққында сөз етиўши "Қарақалпақстан Республикасы судлары: тарийх ҳәм бүгин" деп аталған бул китап ҳаққында мағлыўматлар жәмленген презентация ролиги көрсетилди.
Баспасөз әнжуманы жуўмағында ғалаба хабар қуралларының хызметкерлери өзлерин қызықтырған сораўларға жуўаплар алды.
Минажатдин Қутлымуратов,
"Янги Ўзбекистон" хабаршысы
