Буның тийкарғы факторы авиакомпаниялар менен бирге ислесиўди нәтийжели раўажландырыў, сондай-ақ, жаңа шериклерди тартыў болып есапланады. Усы тәризде Самарқанд аэропорты региондағы тийкарғы транспорт орайы сыпатындағы абырайын беккемлемекте.
2024-жылы жолаўшы ағымының тийкарғы өсиўи халықаралық жөнелислерге туўра келди, оларда 1,31 миллионнан аслам жолаўшыларға хызмет көрсетилди.
Өткен жылы ашылған жаңа жөнелислер арасында: Sian (Қытай), Sharm-al-Shayx (Египет), Түркстан (Қазақстан), Тюмень, Нижний Новгород ҳәм Иркуск (Россия) бар.
Самарқанд халықаралық аэропорты терминалын басқарыўшы "AIR MARAKANDA" компаниясының мәлимлеме хызметиниң хабар бериўинше, өткен жылы аэропортта төмендеги жаңалықлар енгизилген.
- Майыплығы болған жолаўшылар ушын арнаўлы қоңыраў түймеси орнатылған болып, оның жәрдеминде хызметкер менен дәрҳал байланысып, зәрүр жәрдем алыў мүмкин.
- Терминалда бийпул жүк тәреплери пайда болды, бул болса пәрўазға таярлық процесин сезилерли дәрежеде әпиўайыластырды.
- "Hertz", "SIXT" ҳәм "Europcar" халықаралық автомобиль ижарасы бойынша үш күни-түни жумыс ислейтуғын шақапша ашылды.
- Қосымша СИМ-карта саўда шақапшалары, аксессуарлар ҳәм зергерлик буйымлары дүканлары пайда болды. Терминалда жаңа кафе ҳәм кондитерханалар шөлкемлестирилди, бул болса аэропортта жолаўшы ҳәм мийманлар ушын және де қолайлылық жаратады.
Буннан тысқары, 2025-жылы аэропортта жаңа жөнелислерди ашыў, аэропорт инфраструктурасын буннан былай да модернизациялаў ҳәм жолаўшылардың аэропорт пенен өз-ара байланысын жеңиллестириў режелестирилген.
