Пәрманға муўапық, 2026-жыл 1-январьдан Өзбекстанның АҚШтағы елшиханасы структурасына Өзбекстан Республикасы Президенти Администрациясының АҚШтағы мәсләҳәтшиси-елшиси - ўәкили қосымша лаўазымы киргизилди.
Елши мәсләҳәтшисине Өзбекстан ҳәм АҚШта ири және стратегиялық инвестициялық ҳәм саўда жойбарларын әмелге асырыў мәселелерин тиккелей баслама көтериў ҳәм додалаў ўазыйпасы жүкленди.
Соның менен бирге, пәрманда Сыртқы ислер министрлиги тәрепинен бир ай мүддетте АҚШ аймағында қосымша консуллықларды ашыў мәселеси ислеп шығылыўы белгиленген.
Бунда ўатанласлардың ири диаспоралары ең көп жәмленген аймақларды (Филаделфия, Чикаго, Орландо ҳәм Сиэтл қалалары) есапқа алыў нәзерде тутылған.
Мағлыўмат ушын: Америка - Өзбекстан исбилерменлер ҳәм инвестициялар кеңесин шөлкемлестириў ҳаққындағы келисим Президентимиздиң 2025-жыл 4-6-ноябрь күнлери АҚШқа сапары шеңберинде болып өткен "С5+1" саммити шеңберинде ерисилген еди.
