Сурхандәрьялы 11-класс оқыўшысы АҚШта жайласқан “Hobart and William Smith Colleges” жоқары оқыў орнының 100 процентлик грантын жеңип алды.
Атап өтилиўинше, Термиз қаласындағы Президент мектебиниң 11-класс оқыўшысы Аброриддин Холлиев АҚШтың Нью-Йорк қаласында жайласқан “Hobart and William Smith Colleges” жоқары оқыў орнына 268 000 доллар муғдарындағы 100 процентлик грант тийкарында оқыўға қабыл етилди.
Бул жоқары оқыў орны АҚШтың тарийхый жоқары оқыў орынларынан бири болып, дүнья жүзинде де өз абырайына ийе болып есапланады.
Алдын хабар бергенимиздей, мобиль тәжирийбе арттырыў хызметлери тийкарында шөлкемлестирилген автобус республикамыздың алыс ҳәм шетки аймақларында жайласқан мектепке шекемги билимлендириў шөлкемлериниң педагог кадрлары ушын өз хызметин баслады.
Жақында Өзбекстан Республикасы Мектепке шекемги ҳәм мектеп билимлендириўи министрлиги тәрепинен мобиль тәжирийбе арттырыў хызметлери тийкарында шөлкемлестирилген автобус Қарақалпақстан Республикасы Педагогикалық шеберлик орайы ушын да ажыратылып, бул мобиль тәжирийбе арттырыў хызметлери республикамыздың алыс ҳәм шетки аймақларында жайласқан мектепке шекемги билимлендириў шөлкемлериниң педагог кадрлары ушын өз жумысларын баслап жиберди.
Президентимиздиң басламасы менен Министрлер Кабинетиниң 2022-жыл 25-августтағы «Қарақалпақстан Республикасы ҳәм Хорезм ўәлаятында жайласқан улыўма орта билимлендириў мәкемелеринде саламат аўқатландырыў системасын және де жетилистириў илажлары ҳаққында»ғы 427-санлы қарарына тийкарланып, Қарақалпақстан Республикасы ҳәм Хорезм ўәлаятында жайласқан улыўма орта билимлендириў мектеплеринде 1-4-класс оқыўшыларын бийпул аўқатландырыў бойынша система енгизилген еди.
Өзбекстан Республикасы Министрлер Кабинетиниң арнаўлы қарары тийкарында 2024-2025-оқыў жылынан баслап улыўма орта билим бериў мәкемелериниң оқыўшыларын педагог кәсибине мақсетли ҳәм үзликсиз таярлаўдың жаңа системасын жаратыў арқалы педагог кадрларды таярлаўдың сапасын арттырыў мақсетинде педагогикалық жоқары оқыў орынларын мектеплерге бириктириў, педагогикалық классларда сабақ өтетуғын профессор-оқытыўшылардың қурамын қәлиплестириў, сондай-ақ, олардың сырт еллерде қәнигелигин арттырып қайтыўын шөлкемлестириў ўазыйпалары белгиленген еди.
2025-жылы жаңа баҳалаў системасы енгизилген улыўма билим бериў мектеплери саны 1 мың 500 ден 3 мыңға жеткериледи, 257 атамадағы жаңа сабақлықлар топламлары жаратылады. Жеке меншик мектеплердиң саны болса 700 ге жеткериледи.
