Оған бола, Ташкент мәлимлеме технологиялары университетиниң Үргенш филиалында оқып атырған барлық студентлер оқыўын 2025/2026-оқыў жылынан баслап Үргенш мәмлекетлик университетиниң сәйкес бакалавриат тәлим бағдарлары ҳәм магистратура қәнигеликлеринде даўам еттиреди.
Муҳаммад ал-Хорезмий атындағы қәнигелестирилген мектептиң Үргенш филиалы Ал-Хорезмий комплекси аймағында шөлкемлестириледи.
Қәнигелестирилген мектепте оқыў процеси 7 жыллық бағдарлама тийкарында STEM модели бойынша шөлкемлестириледи. Бунда:
- дәслепки 5 жылда үстинлик оқыўшыларда физика, математика, информатика ҳәм инглис тили бойынша фундаментал билимлерди қәлиплестириўге, кейинги 2 жылда болса инженерликке басланғыш таярлықты тәмийинлеўге қаратылады;
- оқыўшылар таңлаўы улыўма орта билим бериў шөлкемлериниң математика ҳәм информатика пәнлери бойынша қәбилети бар 4-класс питкериўшилери арасынан әмелге асырылады.
Қәнигелестирилген мектепке Муҳаммад ал-Хорезмий атындағы қәнигелестирилген мектеп басшысы, хызметкерлери ҳәм оқыўшылары ушын белгиленген шөлкемлестириўшилик, академиялық ҳәм финанслық шараятлар енгизиледи.
