Ҳаўа қатнаўларының ашылыў мәресими Адольфо Суарес атындағы Мадрид-Барахас аэропортының 1-терминалында болып өтти ҳәм онда Өзбекстан елшиси Фаррух Турсунов ҳәм авиакомпания жуўапкерлери қатнасты.
Ташкент ҳәм Мадрид арасындағы пәрўазлар сегиз саатты қурайды. Жаңа жөнелис «Uzbekistan Airways» миллий авиакомпаниясы тармағындағы ең узақ аралықлардан бирине айланды. Пәрўазлар ҳәптеде бир мәрте - дүйшемби күни әмелге асырылады, деп хабар береди "Дунё" МА.
Бул ҳаўа қатнаўлары Өзбекстан ҳәм Испания арасындағы мәдений алмасыў, туризмди раўажландырыў ҳәм саўда-экономикалық бирге ислесиў ушын қосымша имканиятлар ашатуғыны күтилмекте.
"Ташкент-Мадрид" тиккелей авиарейсиниң ашылыўы туристлик агентликлери ҳәм бизнес ўәкиллери тәрепинен де унамлы баҳаланды. Оларға бола, енди Өзбекстан ҳәм Испания арасындағы қатнаўлар жеделлеседи ҳәм логистика бираз әпиўайыласады.
