Ташкент қаласы ИИББ, МҚХ менен биргеликте өткерилген оператив илажда Мырза Улығбек районында жайласқан үйлерден бирин ижараға алып, ол жерде колл-орай жумысын жолға қойғаны анықланды.

Пуқараларға жалған қоңыраўлар арқалы алдаў жолы менен мүлклерин талан-тараж етиў менен шуғылланып келген бул жынайый топарда еки шөлкемлестириўши ҳәм 20 ға шамалас операторлар жумыс алып барған.

Өткерилген оператив илаж даўамында гүманланыўшылардан 15 мыңнан аслам пуқаралардың абонент номерлери, жеке мағлыўматлары, нәшебентлик затлары, 35 дана уялы байланыс қураллары, 10 нан аслам банк пластик карталары айғақлы дәлил сыпатында рәсмийлестирип алынды.

Бул жағдай бойынша Жынаят кодексиниң 278/4-статьясы менен жынаят иси қозғатылып, гүманланыўшылар қамаққа алынған.