Орайлық банктиң мәлим етиўинше, «Humans companies» ҳәм «Octagram» акционерлик жәмийетлери арасында 2025-жыл 10-апрельде 32-санлы шәртнама дүзилген болып, оған бола Humans өз қарыйдарларына агент сыпатында төлемлерди (төлем ҳәм П2П-өткермелер) өткериў хызметлерин көрсетиўди баслаған.
9-декабрь күни «Octagram» АЖның (Paylov) Humans мобил қосымшасы арқалы әмелге асырылатуғын барлық төлем хызметлери ўақтынша тоқтатылды.
Орайлық банк атап өтеди:
- Uzcard ҳәм Humo карталары арқалы төлем ҳәм өткермелер әдеттегидей тәртипте ислеўде даўам етеди;
сондай-ақ, басқа банк ҳәм төлем шөлкемлериниң қосымшаларында картадан пайдаланыў да сақланып қалады.
Ҳәзирги ўақытта оператив тексериў өткерилип, барлық гүманлы транзакциялар, техникалық процесслер ҳәм платформалардың өз-ара бирге ислесиўи үйренилмекте.
Тексериў нәтийжелери пуқараларға қосымша рәсмий мағлыўмат түринде жеткериледи.
Бул жағдай бойынша пуқаралар белгиленген тәртипте ҳуқық қорғаў уйымларына мүрәжат етиўи мүмкин.
