Ушырасыўда Өзбекстанды зыярат, мәдений, тарийхый ҳәм қысқы туризм бағдары сыпатында Малайзияда үгит-нәсиятлаў перспективалары додаланды.

Өзбекстанға сапар етиўди өз ишине алған "Умра плюс" бағдарламасына қәнигелескен туроператорларды тартыў мәселелерине айрықша итибар қаратылды.

Ушырасыў жуўмағында Өзбекстанды үгит-нәсиятлаў бойынша биргеликтеги маркетинг жойбарларын әмелге асырыў, Малайзия ўәкиллери ушын арнаўлы инфо- ҳәм пресс-турлар шөлкемлестириў, сондай-ақ, тәреплердиң еки мәмлекет халықаралық туризм илажларында өз-ара қатнасыўы бойынша келисимлерге ерисилди, деп хабар береди Туризм комитетиниң баспасөз хызмети.