Атап өтилиўинше, бул тағам өзине тән таярлаў усылы, қурамы ҳәм әййемги дәстүрлерге тийкарланғанлығы менен ажыралып турады. "Мәйек бөрек" тийкарынан Хорезм ўәлаяты халқы арасында кең тарқалған болып, усы аймақтың бай мәдений-гастрономиялық мийрасын сәўлелендиреди.
Географиялық көрсеткиш сыпатында дизимнен өткерилиўи бул тағамды ҳуқықый жақтан қорғаў, сапасын ҳәм абырайын сақлап қалыў және Хорезмниң аймақлық бренди сыпатында үгит-нәсиятлаў имканиятын береди.
Еслетип өтемиз, географиялық көрсеткиш - бул өнимниң белгили бир аймаққа тән екенлиги ҳәм сол аймақ факторлары менен байланыслы айрықша сапаларға ийе екенлигин билдиретуғын интеллектуаллық мүлк объекти болып есапланады.
