Жарысқа Ташкент қаласы, Қарақалпақстан Республикасы ҳәм барлық ўәләятлардан келген 13 команда жеңимпазлық ушын өз-ара гүрес алып бармақта.
Кеше командалар арасында 1-тур ойынлары болып өтти.
Онда Ташкент қаласы гандболшылары Хорезм ўәлаяты командасын 41-35, самарқандлылар бухаралыларды 38-34, Ташкент ўәлаяты командасы ферғаналы жасларды 37:32, әндижанлылар жиззақлыларды 40:27 есабында жеңип шыққан болса, Наманган ҳәм Сырдәрья ўәлаяты командалары арасындағы ойын 40:40 есабы менен жуўмақланды.
Қашқадәрья ўәлаяты командасы жарысқа келмегени ушын Наўайы ўәлаяты командасына 10:0 есабындағы жеңис жазылды.
Ал, бүгин өткерилген ойынларда болса, қарақалпақстанлы гандболшылар Бухара ўәлаяты командасы менен ушырасып, оларды 33:23 есабында жеңип шығыўға еристи.
Буннан басқа бүгин өткерилген ойынларда төмендегише нәтийжелер менен жуўмақланды:
Наўайы-Ташкент ўәлаяты 23:36, Ферғана-Қашқадәрья 10:0, Хорезм-Сурхандәрья 20:32, Сырдәрья-Жиззақ 38:34, Әндижан-Наманган 35:33.
Ертең саат 11:00 де республикамыз командасы Самарқанд ўәлаяты командасы менен ушырасады.
Адилбай Оразов,
Қарақалпақстан хабар агентлиги шолыўшысы.
