"Жоқары билимлендириў арқалы - инновация, жаңа технологиялар ҳәм жәмийетлик раўажланыўға қарай" атамасында шөлкемлестирилген илаж еки мәмлекеттиң жетекши жоқары оқыў орынларының басшыларын бирлестирди.
Ушырасыўда илим, билимлендириў ҳәм инновациялар тараўындағы бирге ислесиўди кеңейтиў, жаңа басламаларды әмелге асырыў, биргеликтеги стратегиялық жойбарларды баслаў мәселелери додаланды.
Глобал билимлендириўдиң әҳмийетли мәселелерине, оқыў процесине жасалма интеллектти енгизиўге, халықаралық шерикликти раўажландырыўға, жаслар ушын жаңа имканиятлар жаратыўға айрықша итибар қаратылды.
Еки мәмлекет университетлери арасында ерисилген келисимлер билимлендириўдиң сапасын арттырыў, илимий-изертлеўлерди раўажландырыў, Өзбекстан ҳәм Қытайда қоспа жойбарларды әмелге асырыўға хызмет етеди.
