Қарарға муўапық, 2026-қаржы жылында:
- Мәмлекетлик бюджет дәраматларының дәрамат дәреклери ҳәм аймақлар кесиминдеги вартал прогноз көрсеткишлери Өзбекстан Республикасы Президенти Администрациясы менен келисилген ҳалда Экономика ҳәм қаржы министрлиги тәрепинен тастыйықланады;
- районлар ҳәм қалалардың бюджет дәраматлары бойынша дәрамат дәреклери ҳәм шереклер кесиминдеги прогноз көрсеткишлери прогноз көрсеткишлер тастыйықланғанынан кейин 3 жумыс күни даўамында Қарақалпақстан Республикасы Министрлер Кеңеси Баслығының, ўәлаятлар ҳәм Ташкент қаласы ҳәкимлериниң қарары менен тастыйықланады;
- дәраматлардың жоқарыда белгиленген прогноз көрсеткишлерине өзгерислер Экономика ҳәм қаржы министрлиги тәрепинен Өзбекстан Республикасы Президенти Администрациясы менен келисилген ҳалда киргизилиўи мүмкин.
2026-жылдан баслап келеси қаржы жылы ушын Мәмлекетлик бюджет дәраматларының прогнозы Экономика ҳәм қаржы министрлигиниң мәлимлеме системасы арқалы автоматластырылған түрде есап-санақ етиледи.
