Мийманларға өндирис процесиниң барлық басқышлары, енгизилген заманагөй технологиялар, инновациялық шешимлер, кәрханаларды басқарыўдың нәтийжели усыллары таныстырылды.
Сапар даўамында өндирис объектлеринде қолланылып атырған алдынғы тәжирийбелер үйренилип, еки мәмлекет қәнигелери арасында әмелий билим ҳәм кәсиплик тәжирийбе алмасыў ушын қолайлы майдан жаратылды.
Буннан тысқары, сапар қатнасыўшыларына ислеп шығарылып атырған өнимлердиң түрлери, техникалық ҳәм сапа өзгешеликлери, халықаралық стандартлар ҳәм базар талапларына муўапықлығы ҳаққында толық мағлыўмат берилди.
Өнимлердиң сапасын қадағалаў системасы, сынақ процесслери ҳәм турақлы сапа көрсеткишлерин тәмийинлеўдеги заманагөй қатнасларға айрықша итибар қаратылды.
Сапар етиў жуўмағында тәреплер өз-ара пикир ҳәм усыныслар алысып, өндирис нәтийжелилигин арттырыўға қаратылған басламаларды додалады. Бундай әмелий сапар етиўлер еки тәреплеме бирге ислесиўди беккемлеў, алдынғы тәжирийбени енгизиў ҳәм жоқары маманлықтағы кадрларды таярлаўға хызмет ететуғынлығы атап өтилди.
