Жойбар шеңберинде пуқаралардың мүрәжатларын таллаў ҳәм басқарыў ушын жасалма интеллект тийкарында шешимлер ислеп шығыў ҳәм енгизиў, сондай-ақ, Өзбекстанда системаны сынақтан өткериў ушын техникалық-экономикалық тийкарлар ислеп шығыў нәзерде тутылған.

NIA менен бирге ислесиў Өзбекстан ҳәм Корея Республикасы арасындағы технологиялық бирге ислесиўдиң логикалық даўамы болып, санлы мәмлекетлик басқарыў ҳәм жасалма интеллект тараўында Корея тәжирийбесинен нәтийжели пайдаланыў имканиятын береди.

Өзбекстан ғәрезсизлигиниң 35 жыллығы алдындағы бул баслама заманагөй санлы мәмлекетлик басқарыўды раўажландырыў, алдыңғы технологияларды кеңнен енгизиў ҳәм пуқараларға және де қолайлы хызметлерди жаратыўға қаратылған избе-из реформалардың әмелий көриниси болып есапланады.

Санлы технологиялар министрлиги жасалма интеллект ҳәм заманагөй санлы шешимлерден пайдаланған ҳалда мәмлекетлик басқарыў нәтийжелилигин арттырыў, халық пенен бирге ислесиўдиң жаңа заманагөй механизмлерин қәлиплестириў мақсетинде халықаралық бирге ислесиўди избе-из раўажландырып бармақта.