Тәреплер билимлендириў, илим ҳәм инновациялар тараўындағы бирге ислесиўди кеңейтиў, соның ишинде, Ташкенттеги Nordic International University тийкарында жумыс алып барып атырған Rowan University Center жумысын раўажландырыў перспективаларын додалады.
Әмелдеги 1+3 бакалавриат ҳәм 1+1 магистратура биргеликтеги билимлендириў бағдарламалары шеңберинде Өзбекстан ҳәм Орайлық Азия мәмлекетлеринен келген студентлер инженерлик, IТ, медицина ҳәм бизнес-ҳәкимшилик бағдарлары бойынша Америка үлгисиндеги дипломды алып, Ташкентте де, АҚШта да билим алыў имканиятына ийе.
Буннан тысқары, кәрханаларда оқыў процесин әмелият пенен үйлестириўди нәзерде тутатуғын cooperative education моделин енгизиў режелери додаланды. Бул система жаслардың бәнтлигин ҳәм маман кадрлар таярлаўдың сапасын арттырыў имканиятын береди.
Тәреплер студентлер исбилерменлигин раўажландырыў ҳәм инновацияларды коммерцияластырыў, сондай-ақ, Өзбекстанның билимлендириў ҳәм илим тараўларында АҚШтың алдынғы тәжирийбесин қолланыўды кеңейтиўге таяр екенин билдирди.
