Илаж миллий сайланды командамызға ҳәр қыйлы континент командалары менен ойнаў ҳәм дәстүрий конфедерациялардан тысқарыда да баҳалы халықаралық тәжирийбе алыў имканиятын береди.
FIFA Series 2026™ 2024-жылғы табыслы сынақтан кейинги басламаның биринши кең көлемли әмелге асырылыўы болады. Кеңейтилген форматта биринши мәрте Бразилия, Кот-д‘Ивуар ҳәм Таиландта өткерилетуғын айрықша ҳаял-қызлар сериясы ҳәм төмендеги мәмлекетлерде өткерилетуғын ерлер сериясы өткериледи: Австралия, Әзербайжан, Индонезия, Қазақстан, Маврикий, Пуэрто-Рико, Руанда ҳәм Өзбекстан.
ФИФА президенти Жанни Инфантино бул серия футболшылар, тренерлер ҳәм ықласбентлердиң раўажланыўы ушын жаңа имканиятлар ашып беретуғынын, сондай-ақ, глобаллық футбол ҳәм мәдений алмасыўды беккемлеўге хызмет ететуғынын атап өтти.
Өзбекстанның қатнасыўы жергиликли сайланды команда ҳәм футбол жәмийетшилигине халықаралық майдандағы орнын беккемлеў, ҳәр қыйлы ойын усыллары ҳәм тактикалық көзқарасларға ийе болған ойынлар тәжирийбесин арттырыў имканиятын береди.
FIFA Series 2026 раўажланып атырған футбол мәмлекетлери ушын техникалық өсиў ҳәм коммерциялық имканиятларды тәмийинлеген ҳалда, миллий командалардың календарына жүклемени арттырмастан, әҳмийетли халықаралық ойынларды өткериў ушын платформа жаратады.
Ҳаял-қызлар сериясы қатнасыўшыларының толық дизими 2026-жылдың басында жәрияланады.
