Бул Өзбекстан - АҚШ қатнасықларын және де беккемлеў ҳәм саўда-экономикалық, мәдений-гуманитарлық ҳәм туризм тараўларындағы бирге ислесиўди раўажландырыў ушын қолайлы шараятлар жаратыў мақсетинде Өзбекстан Республикасы Президентиниң 2025-жыл 3-ноябрьдеги ПҚ-203-санлы қарарында нәзерде тутылған.
Жаңа илаж еки мәмлекет арасындағы өз-ара түсинисиўди тереңлестириў ҳәм исбилерменлик, илимий ҳәм мәдений байланысларды кеңейтиў жолында әҳмийетли қәдем болады.
Режим АҚШ пуқараларына Өзбекстан бойлап еркин саяхат етиў, оның бай тарийхый мийрасы, инвестиция ҳәм туризм ушын имканиятлары менен танысыў имканиятын береди.
Виза режиминиң либералластырылыўы АҚШтан туристлер ағымының өсиўине, исбилерменлик байланысларының беккемлениўине ҳәм халықаралық майданда Өзбекстанның ашық ҳәм миймандос мәмлекет сыпатындағы унамлы имиджин алға қойыўға хызмет ететуғыны күтилмекте.
