Екинши раундтағы беллесиўде Өзбекстан ўәкили нокаут пенен жеңиске ерисип,
қарсыласына күшли ҳәм анық соққы берди. Бул жеңис Авазбек Холмирзаевқа ONE Flyweight MMA дивизионы бойынша жәҳән чемпионы болыў имканиятын берди, деп хабар
бермекте "Дунё" МА.
Кейин ала елшиханада шөлкемлестирилген ушырасыўда спортшы ерисилген нәтийже
тек ғана жеке жетискенлик емес, ал халықаралық майданда Өзбекстан жеке гүрес
мектебиниң абырайы артып атырғанынан дәрек екенин атап өтти. Оған мәмлекетимизде
спорт тараўындағы реформалар ҳәм жасларды қоллап-қуўатлаў себепли ерисилгенин
атап өтип, Өзбекстан Президенти Шавкат Мирзиёевқа миннетдаршылық билдирди.
Сондай-ақ, Авазбек Холмирзаев Өзбекстан спортшыларының жәҳән
майданларындағы абырайын буннан былай да беккемлеў, абырайлы халықаралық
жарысларда Өзбекстан атын улығлаў нийетинде екенин билдирди.
