Салтанатлы ашылыў мәресимине жүзлеген жигит-қызлар, жәмийетлик белсендилер, әдебияттаныўшылар, жазыўшы ҳәм шайырлар, баспалардың ўәкиллери жыйналды.
Әсиресе, жаңа китап мәканына қызығыўшылық жоқары болып, ашылыў күниниң өзинде 400 ге шамалас китап сатылғаны жаслар арасында китапқумарлық мәденияты артып атырғанының айқын көриниси болды.
Атап өтилиўинше, елимизде китапқумарлықты ҳәм жаслардың интеллектуаллық потенциалын раўажландырыў бойынша жаратылып атырған шараятлар нәтийжесинде Хайрулла Асатов ушын заманагөй билим орайы ашылды. Китап фондын толықтырыў мақсетинде дүканға 2000 дана китап саўға етилди.
Жаңа дүкан жаслардың китап оқыў, өзин-өзи раўажландырыў ҳәм мәдений дем алыўын ғалаба ен жайдырыўда және бир әҳмийетли майданға айланады.
