Инвестициялар, санаат ҳәм саўда министрлиги ҳәм «Abu Dhabi Future Energy Company PJSC - Masdar» (БАӘ) компаниясы арасында "Наўайы ўәлаятында қуўатлылығы 300 МВт (600 МВт/саат) болған электр энергиясын сақлаў системасын қурыў" инвестициялық жойбары шеңберинде инвестициялық шәртнамаға қол қойылды.
Қарарға муўапық, Инвестор өз ҳуқықлары ҳәм миннетлемелери бойынша өзи шөлкемлестирген Жойбарлаў компаниясының пайдасына өтеди.
Жойбарлаў компаниясы электр энергиясын топлаў системасының эксплуатацияға кепилликли таярлығын тәмийинлеў миннетлемесин өз мойнына алады.
Жойбарлаў компаниясы Жойбар шеңберинде электр энергиясын топлаў системасын бирден-бир электр энергетика тармағына жалғаў ушын электр жеткерип бериў линиялары ҳәм подстанцияларды қурыў, сондай-ақ, олар пайдаланыўға тапсырылғаннан соң "Өзбекстан миллий электр тармақлары" АЖға бериў жумысларын әмелге асырады.
Онда, Жойбарлаў компаниясының электр узатыў тармақлары ҳәм подстанцияны қурыў ушын жумсалатуғын қәрежетлери электр энергиясы тарифиниң қурамында нәзерде тутылады.
