Белгиленген усақлап сатыў баҳалары 1-июльден толық әмелиятқа киргизиледи ҳәм буннан былай дәриханаларда рецепт бойынша таярланатуғын дәри қураллары тек ғана тастыйықланған референт баҳалар шеңберинде сатылыўы керек.
Жаңа нызамшылыққа бола, дәри-дәрмақларды белгиленген баҳадан қымбат сатыў қадаған етилип, бундай ҳуқықбузарлықлар ушын жуўапкершилик сезилерли дәрежеде күшейтилди. Атап айтқанда, қурамында күшли тәсир етиўши элементлери болмаған дәри қуралларын реализациялаў тәртибин бузғаны ушын жәрийма муғдары базалық есаплаў муғдарының 50 есесинен 100 есесине шекем арттырылды. Қайта ямаса қопал бузылыўлар дәрихана лицензиясының бийкар етилиўине алып келиўи мүмкин.
Дәриханаларда қадағалаўды тәмийинлеў мақсетинде "жасырын қарыйдар" принципи тийкарында турақлы түрде тексериў жумыслары алып барылмақта. Буннан тысқары, пуқаралар дәри-дәрмақлардың ҳақыйқый баҳасын PharmUz мобил қосымшасы арқалы өз бетинше тексерип, баҳалары асырып жиберилген жағдайларда тиккелей шағым жоллаўы мүмкин.
