Бирден-бир таңлаў әдиллик министрлиги жанындағы Жоқары маманлық комиссиясы тәрепинен Билим ҳәм маманлықты баҳалаў агентлиги менен биргеликте вакант нотариус лаўазымлары болған ямаса жаңа лаўазымлар шөлкемлестирилген жағдайларда өткериледи.
Таңлаў 2 басқышта (тест сынақлары ҳәм әмелий имтихан) өткериледи.
Таңлаўды өткериў ҳаққындағы дағаза "Инсан ҳәм нызам" газетасында ҳәм Министрликтиң рәсмий веб-сайтында жайластырылады.
Таңлаўдың 1-басқышы талапкерлердиң дизими Министрлик тәрепинен Агентликке усынылғаннан соң 10 күннен кейин, бирақ 15 күннен кешиктирмей өткериледи.
Талабанлар мәмлекетлик ҳәм жәмийетлик басқарыў, коррупцияға қарсы гүресиў, пуқаралық ислери бойынша тест сынағын (40 сораў) тапсырады.
Тест сынақларында 55 баллдан жоқары балл топлаған талабан тест сынақларынан табыслы өткен есапланады ҳәм бирден-бир таңлаўдың екинши басқышынан өте алмаған жағдайда да 1 жыл даўамында тест сынақларын қайта тапсырыў талап етилмейди.
2-басқышта талабанлар электрон платформада нотариал ҳәрекетлердиң жойбарларын таярлаў ҳәм машқалалы мәселелерди (казусларды) шешиў бойынша сынақтан өтеди (таярлаў ушын 20 минут ажыратылады).
Талабан 2-басқыш нәтийжелери бойынша максимал баллдың 55 процентинен артығын топласа, бирден-бир таңлаўдан өткен деп есапланады.
Бул ҳүжжет 2026-жыл 1-апрельден күшке киреди.
