Режеге муўапық, "Баҳалы қағазлардың орайлық депозитарийси" АЖ төлем агенти сыпатында қатнасып, ипотека облигациялары бойынша процентлерди төлеў ҳәм олардың номинал баҳасын қайтарыў усы агент арқалы әмелге асырылады.
Ипотека тәмийнатының қурамына киргизилетуғын ипотека кредитлери төмендеги шәртлерге муўапық болыўы керек, атап айтқанда:
- Кредиттиң гиреўге қатнасы көрсеткиши кеминде 75 процент болыўы керек;
- Ипотека кредитин алыўшының қарыз жүги көрсеткиши 70 проценттен артпаўы керек;
- Ипотека кредити берилген күннен баслап 6 айдан көп ўақыт өткен болыўы керек.
Бул кредитлер бойынша төмендеги ҳүжжетлер усынылыўы керек:
- Ипотека ҳәм кредит шәртнамалары;
- Төлемлер графиги;
- Қамсызландырыў полиси;
- Ипотека бериўшиниң ипотека затына болған мүлк ҳуқықын тастыйықлаўшы ҳүжжет;
- Ипотека шәртнамасын дизимнен өткериў ҳаққында мәмлекетлик реестрден көширме.
Ипотека облигациялары бойынша процентлерди төлеў ҳәм олардың номинал баҳасын төлеў ипотека агентиниң тәрепинен тек ғана Орайлық депозитарий арқалы әмелге асырылады.
