Ҳүжжетке муўапық, жол ҳәрекети қәўипсизлиги менен байланыслы майда ҳуқықбузарлықлар ушын ҳәкимшилик ескертиў түриндеги ҳәкимшилик жаза қолланылыўы белгиленген.
Ҳәкимшилик ескертиў ҳуқықбузарлық ислеген шахсқа нызамға қайшы ҳәрекетлерге жол қоймаў ҳаққында ескертиў менен рәсмий ескертиў есапланады.
Ҳәкимшилик ескертиў жазба (электрон) тәризде қолланылады.
Ҳәкимшилик ескертиў Кодекс 125-статьясының биринши ҳәм екинши бөлимлеринде, 1281, 1282, 1286, 1351-статьяларында, 138-статьясының биринши ҳәм екинши бөлимлеринде нәзерде тутылған ҳуқықбузарлықларды ислеген шахсларға қолланылады.
Онда бул илаж шахс қылмысына шын кеўилден пушайман болған жағдайда, сондай-ақ, Кодексте нәзерде тутылған басқа ҳуқықбузарлықлардың белгилери болмаған жағдайда ҳәкимшилик жаза қолланыўға ўәкилликли уйым тәрепинен қолланылады.
Ҳәкимшилик ескертиў бир шахсқа бир жыл даўамында бир мәртеден артық қолланылыўы мүмкин емес.
