Бул ҳаққында Өзбекстан жоқары билимлендириў, илим ҳәм инновациялар министри Қоңыратбай Шарипов ҳәм Японияның мәмлекетимиздеги Айрықша ҳәм толық ҳуқықлы елшиси Хатори Такаши қатнасыўындағы ушырасыўда мәлим болды.
Атап өтилиўинше, ушырасыўда күншығар мәмлекет ҳүкиметиниң бийғәрез жәрдем бағдарламасы шеңберинде жәми 422 миллион иен - шама менен 2,8 миллион доллар қунға тең Алмаслаў ноталарына қол қойылды.
Бул келисим "Кадрлар таярлаў ушын стипендия усыныў" бағдарламасы тийкарында мәмлекетимиз мәмлекетлик уйымларының жас хызметкерлери Японияда билим алыўын тәмийинлейди.
Сондай-ақ, министр JIСА - Япония халықаралық бирге ислесиў агентлигиниң елимиздеги ўәкилханасының басшысы Бито Ёшибуми жойбар бойынша Грант шәртнамасына қол қойды.
