Жолаўшылар январь айы даўамында өтиў тарифлери арқалы 3,2 млрд сум үнемледи.
Жолаўшылар АТТО транспорт ҳәм виртуаль карталарында өтиў тарифлеринен пайдаланып өз қаржыларын сезилерли муғдарда үнемлемекте, деп жазады "Тошшаҳарйўловчитарнс" мәлимлеме хызмети.
2025-жыл январь айында өтиў тарифлеринен пайдаланыў статистикасы:
Жәмийетлик транспортта АТТО транспорт ҳәм виртуаль карталары арқалы 15,2 миллион төлем әмелге асырылды.
Автобусларда - 11,7 миллион;
Метрополитенде - 3,5 миллион
Жолаўшылар январь айы даўамында өтиў тарифлери арқалы 3,2 млрд сум үнемледи.
"Файзобод" транспорт қуралларын диагностикалық тексериў орайында Өзбекстан Республикасы Министрлер Кабинетиниң 2025-жыл 28-ноябрьдеги 750-санлы қарарында нәзерде тутылған "Экологиялық транспорт" системасын енгизиўге бағышланған пресс-тур болып өтти.
Қысқы дем алыс алдынан «Uzbekistan Airways» авиакомпаниясы тәрепинен орта арнаўлы, профессионал ҳәм жоқары билимлендириў мәкемелериниң студентлери ҳәм оқыўшылары ушын арнаўлы акция басланады. Акция шеңберинде барлық жергиликли авиақатнаўларға 50 процент шегирме бериледи.
21-декабрьден баслап жолаўшылар "Ташкент - Қазан - Ташкент" жаңа темир жол жөнелисинен пайдаланыўы мүмкин болады. 315/316-санлы поезд ҳәптесине бир мәрте қатнап, Өзбекстан пайтахты ҳәм Қазан қаласы арасында қолайлы ҳәм қәўипсиз қатнаўды тәмийинлейди.
Миллий статистика комитети мағлыўматларына бола, 2025-жылдың январь-октябрь айларында Өзбекстанда транспорт хызметлериниң көлеми 150,8 триллион сумды қурап, өткен жылдың усы дәўирине салыстырғанда 13,4 процентке өскен. Транспорт хызметлериниң көрсетилген базар хызметлериниң улыўма көлеминдеги үлеси 18,4% ти қурады.
2025-жыл 16-декабрь күни саат 16:23 те метроның "Мустақиллик майдони" бәндиргисинен "Пахтакор" бәндиргисине шекемги бөлегинде есиклер жабылып атырған ўақытта жолаўшылардан бири вагонға кириў ушын есикти ашыўға урынған. Нәтийжеде есикти қорғаўшы механизм истен шыққан.
16-декабрь күни "Ташкент - Самарқанд" айрықша жоқары тезликте ҳәрекетлениўши жолаўшы тасыўшы темир жолын қурыў жойбарының техникалық-экономикалық тийкарлары бойынша есабаттың презентациясы өткерилди.
Автомобиль жолларын қурыў ҳәм эксплуатациялаўды шөлкемлестириў бойынша алдынғы сырт ел көзқарасларын үйрениў мақсетинде Транспорт министри Илҳом Маҳкамов басшылығындағы Өзбекстан делегациясы әмелий сапар менен Түркия Республикасында болып тур.
