16-декабрь күни "Ташкент - Самарқанд" айрықша жоқары тезликте ҳәрекетлениўши жолаўшы тасыўшы темир жолын қурыў жойбарының техникалық-экономикалық тийкарлары бойынша есабаттың презентациясы өткерилди.
Орайлық Азия мәмлекетлери ҳәм Корея Республикасы парламентлери басшыларының "Инсан қәдири, социаллық әдиллик ҳәм қоршаған орталықты қорғаў жолында бирге ислесиў" темасындағы үшинши мәжилиси өз жумысын жуўмақлады.
2025-жыл 16-декабрь күни Ташкент қаласында Орайлық Азия мәмлекетлери ҳәм Корея Республикасы парламентлери басшыларының үшинши мәжилиси болып өтпекте.
Олий Мажлис Сенатының Баслығы Танзила Нарбаева елимизге рәсмий сапар менен келген Корея Республикасы Миллий Ассамблеясы Баслығы У Вон Сик басшылығындағы делегация менен ушырасты.
5-декабрь күни Корея Республикасы Миллий Ассамблеясы Спикери У Вон Сик басшылығындағы парламент делегациясы рәсмий сапар менен елимизге келди.
Өзбекстан Республикасы Жоқары билимлендириў, илим ҳәм инновациялар министрлигинде Корея Республикасы ўәкиллери менен ушырасыў болып өтти. Ушырасыўда Жоқары билимлендириў, илим ҳәм инновациялар министри Қоңыратбай Шарипов, Инновациялық раўажланыў агентлиги директоры ўазыйпасын атқарыўшы Асрор Норов, Сунчхон Миллий университетиниң ҳүрметли профессоры Сынчжу Бэк ҳәм Korea Development Institute (KDI) ўәкиллери қатнасты.
Қубла Кореяның Чангвон қаласындағы Масан портында Hyundai Rotem компаниясы тәрепинен Өзбекстан ушын ислеп шығарылған тезжүрер поездлардың биринши партиясын рәсмий жибериў мәресими болып өтти.
Өзбекстан Миграция агентлиги Қубла Кореяда Е-7 ҳәм Е-9 визалары менен ислеп атырған пуқаралар арасында нызамсыз жумысқа жайласыў жағдайлары көбейип атырғаны ҳаққында ескертеди. Айырым хызметкерлер жумыс бериўшини рәсмий емес жумысқа өткериўге ҳәрекет етеди, бул болса үлкен ақыбетлерге алып келиўи мүмкин.
Наўайы ўәлаяты ҳәкими Нормат Турсунов Корея Республикасының Өзбекстандағы Айрықша ҳәм толық ҳуқықлы елшиси мырза Вон До Ён менен ушырасты.
БМШ Жәҳән туризм шөлкеми Бас Ассамблеясы шеңберинде Өзбекстан Туризм комитетиниң баслығы Умид Шодиев Ар-Рияд қаласында Корея Республикасы мәденият, спорт ҳәм туризм министриниң орынбасары Ким Дэ Ҳён менен ушырасыў өткерди.
