Сапар бағдарламасына сәйкес, Еуропалық Одақтың астанасында осы бірлестіктің негізгі институттары басшыларымен екіжақты келіссөздер өткізу жоспарланған.
Көпқырлы қатынастарды биыл сәуір айында Самарқанд қаласында өткен жоғары деңгейдегі кездесуде қол жеткізілген келісімдер аясында одан әрі дамыту және кеңейту мәселелері талқыланбақ.
Сауда-экономика, инвестиция және қаржы, инновация, энергетика, көлік және коммуникация, ғылым мен білім және басқа да басым салаларда іс жүзіндегі ынтымақтастыққа бағытталған нақты жобалар мен бағдарламаларды ілгерілету басты басымдық ретінде қаралады.
Өзбекстан мен Еуропалық Одақ арасында Кеңейтілген серіктестік және ынтымақтастық туралы келісімге қол қою жоспарланған.
Сапар аясында Өзбекстан басшысы Бельгия басшылығымен кездесіп, технологиялық және өнеркәсіптік кооперацияны дамыту жөніндегі бірлескен жоспарларды жеделдету мақсатында Еуропаның жетекші компаниялары мен банктерінің басшыларын қабылдайды.
