Бұл туралы Кинематография агенттігінің Ақпараттық қызметі хабарлады.
Аса ауыр салмақтағы боксшы Баходир Жалолов Рио-2016 Олимпиадасындағы сәтсіздігінен кейін бокстан жартылай шеттетілді. Бірақ бұл жеңілістің сәтсіздігі деп есептейтін бапкерлер спортшыны құрама командаға қайтарды.
Баходир жаттығуға қайта кірісіп, аз уақыттың ішінде бірнеше маңызды турнирлерде жеңіске жетіп, тек Азия чемпионы ғана емес, әлем чемпионы атанады. Ол бұдан тыс кәсіпқой бокста да жоғары нәтиже көрсетеді.
Сондай-ақ, фильмде антикейіпкерлер де бар: турнир қазылар алқасына бір лауазымды тұлға келесі Олимпиадада қандай жағдайда да американдықтардың жеңісін қамтамасыз етуді тапсырады.
Токио Олимпиадасында Өзбекстан құрама командасынан тек Баходир ғана финалға шығып, ол жерде америкалық Торрезбен бетпе-бет кездеседі. Турнир қазылар алқасының жоспарына орай, ол қалай болмасын америкалықтан ұтылу керек еді. Бірақ соңғы минутта олардың қулық жоспары орындалмай қалады – Баходир Жалолов Олимпиада чемпионы атанады.
Қоюшы режиссер Акром Исақов, бас продюсер Фирдавс Абдухолиқов, сценарий авторлары Султан Аббасов, Сергей Кузьминих, сахналастырушы операторы Хусанбой Алижанов.
Жобаға 300-ге жуық жергілікті және шетелдік актерлерді жұмылдыру жоспарланған. Фильмде Отабек Мусаев, Яқуб Ахмедов, Бегзод Мухаммадкаримов, Саида Раметова сынды танымал актерлар түрлі кейіпкерлерді сомдайды. Жоспарға орай, 100 адам шығармашылық және техникалық үдерістерге қатысады. Түсірілім жұмыстары Ташкент, Сұрхандария, Токио, Нью-Йорк қалаларында өтеді деп жоспарлануда.
